Tamasha dekhta raha....!

Tanhai mai ajeeb zamaane ki wafa dekhta raha,
Umar bhar apna ghar tanha dekhta raha,
Kahi'n na kahi'n to badal hi jaate hain silsile,
Magar mai jaha'n gaya sehra dekhta raha,
Jaane kyun qatraate hain log mujhe milne se,
Kal shab der talak aainah dekhta raha,
Paani maangte maangte mere hont pathar ho ga'e,
Woh shakhs mashkizah liye khada dekhta raha,
Begunaah tha magar phir bhi sar jhukaye hu'e,
Sitamgar ke sitam ki intiha dekhta raha,
Umar bhar muhabbat ka kuch yun silsila raha,
Mai usse aur woh duniya dekhta raha,
Kahunga Khuda se yom-e hisaab ZIDDI,
Ki zamaanah meri barbaadi ka tamasha dekhta raha....!