Benaam khabar....!

Apni marzi se kaha'n apne safar ke ham hain,
Rukh hawaao'n ka jidhar ka hai udhar ke ham hain,
Pehle har cheez thi apni magar ab lagta hai,
Apne hi ghar mai kisi doosre ghar ke ham hain,
Waqt ke saath hai mitti ka safar sadiyo'n tak,
Kis ko maaloom kaha'n ke hain kidhar ke ham hain,
Chalte rehte hain ki chalna hai musafir ka naseeb,
Sochte rehte hain ki kis raahguzar ke ham hain,
Gintiyo'n mai hi gine jaate hain har dor mai ham,
Har qalamkaar ki benaam khabar ke ham hain....!